經歷詳述:
本人30歲，三年前起睇過不下10次婦科，但婦科醫生都係轉來轉去，因為搵唔到一個有醫德有醫術既醫生。

終於一次又我起心肝google婦科醫生睇邊個好，然後就撳到呢個網站，見到個個都好評價，咁啱又係喺旺角中心（對上一個婦科女醫生都係喺旺中），所以就決定預約。醫生個期都full，通常一個禮拜內都睇到。重點係我第一次睇，我已經覺得劉醫生好岩，我嘅疑問、我身體嘅不適，其實佢都對症下藥，唔會見我有醫療保險，就立亂叫我做呢樣做嗰樣，而且我同佢講一個身體問題，例如我非經期內出血，劉醫生好耐心同有理據地解釋俾我聽，話俾我聽下一步點做。我打呢篇嘢嘅時候，係我第二次睇劉醫生，我從來都懶，我打呢篇評論係想大家知道，如果大家想睇婦科醫生，又冇熟人介紹，請大家放心睇劉醫生，等大家唔使去懵盛盛睇一啲質素差嘅醫生，嘥時間嘥錢又拖延病症。劉醫生係好gentle好斯文，放膽問問題，唔使驚佢鬧返你。

本來我係旺角中心18樓睇左一位婦科醫生幾次，但做咗幾次療程，每次都$1,500-$3,000到，視乎情況而定，要俾藥、藥膏、定做小手術。但每次做完，其實個問題都反反覆覆繼續出現，仲要次次上到去一定係等，我試過連埋診症，足足用左3個鐘，當中有兩個鐘我係白白坐係診所等！睇咗差唔多一年覺得唔對路，所以當我子宮頸再出血，我就決定上google自己另外搵（我本來只係喺保險網絡入邊搵婦科醫生）

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇