經歷詳述:
響度做左2，3次每年婦科檢查
今年五月都做過測驗冇問題，
直至七月去咗其他地方做檢查，發現有HPV 病毒
拎住轉介信去返潘醫生度睇。
佢一睇即刻話要做手術，我問咗兩三次要唔要做多其他檢查先佢都話唔使，又話好危急，咁好啦，唯有相信照做
全身麻醉手術之後，佢話休息兩三日就可以返到工，流血情況只有極少數人先有，叫我不用擔心。結果，我返咗工第二日就已經留左一次血4小時流量都多，打去醫生緊急電話姑娘答，唸住應該女士周期到，就觀察咗先。夜晚停咗流血。之後第七就突然流血不止6小時。流到半夜要入急症室止血。再休息6日，跟住返到診所檢查，醫生檢查個樣好唔願意咁，我連拎份報告都要左約右改日子先拎得返。講親啲乜嘢都幫自己帶頭盔，以保障自己為重，有咩情況就話每人身體唔同。醫生完全同姑娘無溝通，我有咩就只能問姑娘，完全答到一頭霧水。
八月頭手術到而家廿多日，到宜家都仲有突然流血情況。對於病人來說 確係一種好折磨。身邊朋友遇到呢啲情況多數都係做檢查同拎細胞，不用全身麻醉做手術。及早回復正常生活，建議大家一定要睇多兩，三個醫生先好做決定。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧