經歷詳述:
我從來都冇寫過評論，但廖國忠態度太惡劣，我希望寫出來俾大家作個參考，免得浪費大家金錢去睇一個冇醫德嘅醫生。

因為之前手多，刮損耳道，出水有臭味，但因為擦左自己街外藥膏，見有好轉，就冇睇醫生。但突然耳朵痛，又睇到新聞講耳念珠菌好厲害，擔心出事，所以立即找專科睇。因工作地方係中環，當日馬上從保險醫生列表中搵有冇醫生當日有時間，但打左二十個醫生都full哂booking, 但廖國忠就有時間，第二天早上睇，護士話要等，可walk-in, 咁我馬上apply話聽朝去睇。

第二天一到診所，都等左接近一小時，我從中觀察到，護士態度差劣，佢地對其他病人嘅詢問完全冇耐性解答，又串，令人覺得好失望。等左一小時，終於入房見醫生，滿心期待希望知道自己係唔係出事，有冇事。點知廖國忠完全冇耐性，我講左幾句狀況，佢就用儀器照耳朵，話冇乜事，有損到發炎，痛係因為有粒細瘡，無喇喇話要打針。我問醫生點解要打針，如果可以食消炎藥加上情況不太嚴重，佢一句話快啲好，就勁冇耐性洗一洗我耳道 (30秒都冇), 又叫護士同我打完針, 再叫我出去。全個見面時間加診治都冇5分鐘。我離開前，問佢兩條問題，有關耳朵喉嚨，佢連答都唔答我，話下次先問，我有嘗試問多次，佢就勁不耐煩叫我出去，我從來都冇見過咁惡劣態度嘅醫生，有違醫德，欠缺愛心，不關心病人，只顧快快完結再賺下個病人錢。我事後睇到呢個網頁，先知原來我唔係第一個人有呢種感想，簡直係垃圾醫生，加其他不必要服務，想多收我地錢。完全冇耐性愛心嘅人根本唔應該做醫生。 最後，佢地claim完我保險後，都收左我HK$ 1500。這次經歷係我人生以來最惡劣嘅看病經歷。醫生護士態度十分有待改善。
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧