經歷詳述:
《詳細》我第一次選寫醫生報告，係令我睇完後仍會想要分享。

巧合之下，我嘗試了找陳沌吉醫生看症，真係好多人等緊，去到等咗一陣，我一向對醫生護士沒有好大既信任，認為多數都係趕時間，扮聽唔到，對病情冇講解，語氣差等，所以看症期間，我語氣開頭都唔係幾好，串串哋啦，但佢又冇因此對你語氣都差，反而傾下計緩和咗氣氛，因為照超聲波手上有啫喱，佢唔係遞盒紙巾叫你自己抽黎抹，而係抽紙巾幫你抹~因為佢都忙，我就自己抹了

之後準備要手術，準備細緻、語氣好,之後麻醉咩事都唔知了，醒返手上就因為手術包扎咗…第二日巡房，叫我一星期後覆診，即係我要包扎一星期 (因為怕我亂郁，傷口會整到)

終於到拆線日，都係好多人，不過唔緊要，如果係對每一個病人細心負責值得等的，入去我以為佢會叫姑娘執下手尾,竟然係醫生親手幫我,我話因為我一星期冇洗手了，手套有D臭，佢話:唔緊要~冇事的，我其實一直想問佢:邊個包扎架？(我全麻唔知邊個包)佢話佢包的，我真係覺得好好啊，因為我亂郁同返工原因，一星期都冇移過位，又冇撞到傷口位，然後邊洗傷口邊嘈住同佢傾計，句句都有應，同埋好細心處理我個傷口，又吩咐我好多，連我聽唔清重複問多次，都耐性又再講，好多謝你啊，你嘅態度及語氣好好，同埋技術都好,keep住…

但係醫生費用好高呀~我唔敢阻你太多時間，我驚你收我錢哈,
簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 值得向有需要人仕推介