經歷詳述:
到鄭醫生診症室的奇遇, 人生中唯一一次最受辱的醫療經驗:
喺我未坐低之際, 佢睇完我係用醫療咭之後, 鄭醫生用計數機按了2xx -1xx. 仿佛告訴我, 用醫療卡佢會蝕大本。當刻我告訴自己, 唔好咁多心, 可能我誤會左。但好快就証明左我嘅擔心係對的。
我一坐低, 第一句我真係唔記得左講乜, 不過第二句就真係刻骨銘心。第二句佢就問:"你係唔係想攞醫生紙?" 其實我當刻真係好唔舒服, 我只係比左一個反應, 就係"吓"一聲, 然後我同鄭醫生講, 我唔係好明你講乜, 我連續講了兩次, 並同佢講你唔係唔想睇? 跟住, 佢就話唔係, 鄭醫生用左一個唔耐煩嘅態度喺一兩分鐘嘅時間完成診斷, 鄭醫生用了唔需要用抗生素嚟作結論。(翌日早上我去別家醫生, 該醫生診斷我係有氣管炎, 須處方五天抗生素)
最精彩嘅係開藥嘅部份, 開左四隻藥全部都係六個鐘, 其中一支係咳藥水, 最特別嘅地方係支咳水係得三份二支。(你可以話, 佢醫得好你咪得囉, 但個問題係, 當晚我食完佢兩次藥, 冇好轉不單止仲惡化左)

我嘅體會係, 病人喺生病嘅時候得不到適當嘅治療及診斷, 該醫生嘅能力及操守已經存在住問題。再加上侮辱病人嘅行為, 更顯得該醫生在醫德上有很大進步空間。

我絕對同意, 醫生對一啲利潤比較少的診症可以減少一啲寒暄性嘅對話以減少診症時間。但唔代表可以減少作為醫生嘅德行或醫生嘅專業操守。

我深信香港社會仍然對醫生嘅期望比較高。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧