經歷詳述:
70歲的媽媽因患乳癌，而上網見到熊醫生有多個好評，所以特意今天陪媽媽睇熊醫生拎second advice, 最後卻是極失望而回。

入診療室時，我坐下便順手放了電話在枱，熊醫生第一句已跟我講：「收埋電話，唔準錄音！」
態度極惡劣！我只是順手放低，點解要假定我錄音？但我當時為了陪媽媽，只好收立即收起電話

之後醫生沒禮貌的問媽媽，「你已經睇過一個醫生，點解今日再黎呢？」其實患了癌症，想拎second advice都好正常吧？！點解好似睇多個醫生問意見，都好有問題咁？

後來媽媽再問了醫生一些手術/電療/化療等問題，可能媽媽年紀大，未必完全理解到整個治療的過程，醫生後來表現不耐煩，多次話我媽媽搞亂哂。其實患了咁嚴重的病，治療程序咁覆雜，會搞亂都好正常吧！更何況我媽媽已經係70歲的老人家！

最後醫生問媽媽有咩決定，媽媽話需要時間考慮下，醫生極不耐煩地將枱上的報告收起，話：「咁你返去諗下先」意思即覺得我哋都唔一定會搵佢做手術，想打發我哋。當我再問多句醫生幾時會有期做手術，佢就話：「你哋諗清楚先啦」

我媽媽患上了病，已經好多擔心難過，所以搵了不同醫生，希望搵到個醫生不但可治病，也可令媽媽感安心。可惜整個面診過程極不愉快，熊醫生態度惡劣！佢近日仲出左本書，叫病人保持心境愉快，可惜他今日的診症態度，同佢喺書中或網上嘅presentation ，似乎判若兩人！

奉勸大家，諗清楚係咪真係要睇熊醫生！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧