經歷詳述:
大約一個月前到婦科醫生睇醫生時照乳房超聲波發現左面有粒7mm大的東西，婦科醫生其中一個建議是可以抽針檢查，雖然照超聲波時放射科醫生又說應該是良性，暫時不用抽針，但聽婦科醫生建議就都搵乳腺外科醫生睇睇，所以就搵熊醫生睇睇要唔要抽針啦

一開始熊醫生就俾我睇個超聲波片，同解釋報告上一些重點給我知，話都係良性啦，你有冇睇過份報告，你想做d乜，我就話婦科其中一個建議是抽針，熊醫生就再畫圖解釋只有7mm大，同埋抽針大概點抽，我當時都覺得醫生幾好，婦科醫生沒有解釋那麼詳細。

熊醫生也好似十分不主張我現時抽針，似係覺得你都無事，大驚小怪，咁我就問抽針係咪要係醫院做，佢就問點解一定要去醫院做呢？安排你入院既時間已經做完啦，係claim保險先要入院jei,做診所做就可以啦，我再問如果唔抽針，定期做超聲波檢查大約需要幾耐做一次等之後，醫生解釋過之後就有點唔耐煩問你究竟猶疑d乜，都已經解釋過你既情況你知，唔係唔可以抽針，係宜家唔係一定必要law，我就再講係婦科醫生其中一個建議可以抽針，先再搵外科醫生睇睇點，佢又再問我想點，結果我就問佢宜家睇唔睇得出果粒野係乜，醫生又話無抽針唔知，最後我都決定半年後再照超聲波，再問醫生如果下次檢查都係ok,要幾耐再照，佢面色就好左d,無咁唔耐煩。

我想講既係相信醫生唔係濫收費既人，因為無主張做抽針，宜家賺少左錢，但係態度唔可以話係好好，病人就係擔心，又唔清楚應該做乜野跟進先睇醫生，帶質問語氣同病人講說話不太應該吧
簡評:
個人觀感- 判症快捷、合情合理
經歷過程- 需要自己主動提出較多的諮詢
推介意見- 可能人夾人緣自己衡量