經歷詳述:
由1月下旬開始發病，原先以為普通咳嗽，初期每晚半夜2時定時開始咳及流鼻水接近2小時，以致睡眠不足，很久沒有可以一覺瞓到天光，因為呢個病在澳門看醫生看了3個多月（由內科、呼吸科、耳鼻喉科、以及中醫）總共至少看了10多次，醫生開的藥都有按指示服完，初期好了1-2天，之後繼續打回原形再咳過，肺也照了片，2月照肺係正常，再係5月時再照已經留下結節，心想繼續睇落去都無醫生幫到忙，便決定過去香港睇醫生試試看。

原本已約了一位心儀的醫生，但因為還要等待多個星期，眼見咳嗽及流鼻水發作加深，在此網站參考評價之下預約陳醫生，並可以比之前預約心儀醫生早多一星期看診，所以便試試看，萬一診斷唔到病因，可以有心儀的醫生再查究病因。

看完陳醫生之後，已經打消再看另一位醫生的念頭，其實自己一直知道係鼻有問題，但之前睇的耳鼻喉科醫生做了檢查只係話鼻敏感嚴重，從沒有要求去照片等，但陳醫生嘗試用排除法排除其他情況引起的咳嗽，當最後認為好大機會係鼻引起，建議去照一下鼻的CT以確認情況，等報告期間，服食陳醫生一星期的藥物，至少已改善了一半，可以一覺瞓到天光，途中也有一至兩次咳嗽及流鼻水發作，但咳嗽的情況對比之前咳到甩肺，這次比較集中係喉嚨位置容易咳出嚟，之後再複診睇到報告後，證實全部鼻竇發炎再加上鼻敏感，所以鼻水好似水浸咁係喉嚨倒流要咳出嚟，現在至少知道病因，積極治療。

雖然係普通的病，但困擾長達接近5個月，咳嗽咳到其他器官痛真係唔值得，但找對醫生肯對症下藥真的好重要，希望自身經歷可以幫到久咳不癒的人。


簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 值得向有需要人仕推介