經歷詳述:
今天我遇到了有生以來最差最沒品的醫生。
話說我前天晚上踩到了玻璃流了很多血而入了QE急症, 而第二天腳傷未好的我仍要再看多一次醫生並於今日請假, 所以必需再看醫生, 由於行動不便, 我只會去附近的地方看醫生, 順便洗洗傷口。
本人有看開一個不錯的顏醫生,但等後的時間實在太長, 而且當時我很頭痛和喉嚨痛。看到隔離的麥X龍醫生, 一個病人都冇, 便想快D睇完回家休息, 怎料便見識了何為無德醫!
當我坐下要說明我的情況, 如何弄傷及於QE急症看過, 他便問之前睇過做咩唔返去睇? 我記得當時係話之後洗傷口和再睇都只須於附近的政府健康院或醫務所睇就得, 但我想再睇多次醫生及順便看頭痛和喉嚨痛。我話QE 叫我在附近的醫務所睇, 佢即刻黑面及態度更差, “QE有叫你睇我咩?, 你唔使比錢的啦, 你返返QE 睇” 跟住佢好怒氣沖沖咁就寫好QE急症室的轉介信比我, 再次強調我唔收你錢, 你走得的啦!! …被趕走了…
我心諗好巴敝啊, 趕人走, QE的急症室可以咁亂用架? 當晚我流住血入去都比人排在次緊急, 而家叫我入急症排10個鐘非緊急啊? 哩個真係醫生來咩? 態度有夠差啦, 仲有冇常識?
唔怪得人地咁多人排住隊等幾個鐘都要睇, 而你要拍烏蠅,冇醫德的醫生, 自食其果! 本來我都不是一個鐘意講人是非的人, 但今次真是憤怒了!
後來在網上SEARCH下哩個醫生, 睇到的都是人地話佢態度差,冇醫德的COMMENT. 原來這個醫生真是有問題!

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧