經歷詳述:
此為多年前事件，全為事實。

因腹痛以為胃痛，早上睇普通科醫生，初步判斷懷疑是生蛇。醫生建議去睇皮膚科。

下午去睇李國文，已同佢講睇左另一個醫生，懷疑生蛇，李醫生話皮膚表面冇徵狀，死都唔肯開生蛇特效藥，本人需一再表明非常擔心是生蛇，最終只是開了些普通皮膚藥（後來上網查，仲要係上一代的皮膚藥物。）結果第二朝一早入醫院再睇駐院皮膚科醫生，同樣都係話生蛇。因為李醫生誤判，而令我錯失黃金治療時機，發了出來要捱痛兩星期。後來上網睇，話一有病徵最好儘快食特效藥，李醫生竟然話生蛇要等皮膚有病徵，（當時其他觸感特徵已好肯定）咁咪令到錯失黃金治療時間。
簡評:
個人觀感- 有欠詳盡、耽誤病情
經歷過程- 診証時間極其急趕，快來快去
推介意見- 可能人夾人緣自己衡量