經歷詳述:
見到咁多好評先去搵何醫生，由三月開始睇左佢都有四五次，由於真係太多人睇，每一次都要預約好幾日，病情有突發情況都唔能夠好快得到診斷。

本身諗住咁多人好評，應該都係幾好的，但佢俾我感覺係好急，好想趕我出房做下一個病人咁，佢問我嘢時好似怪我要諗，唔係一早預備好答案咁，好快自己搶答返。最後開左啲藥，我食晒成個療程，唔知係真好定心理作用，好似好轉左少少，龜頭無咁紅，但仍然仲有淺色斑點，過幾日後又嚴重返，醫生話係復發，仲話呢個病好難根治，全行都知。

就係咁，復發左幾次，復發時間有長有短，我一直都係睇何醫生，每次復發都係開返差唔多既藥俾我。直到最近，經朋友介紹，轉左去睇另一個皮膚科醫生，可能無咁出名，個醫生好細心，問得又仔細，對症下藥，佢開啲藥同何醫生有啲唔同，我食左第三日已經明顯無晒啲紅斑點，食晒成個療程後睇個外觀好似完全好返晒咁。呢個醫生我覆左一次診，而家都食完個療程有大半個月都無事，所以話，醫生真係人夾人，我唔夠膽話何醫生唔好，但就真係唔夾我。

註︰我無出去玩女人的，一直有做好清潔，亦沒有包皮過長的問題。
簡評:
個人觀感- 有欠詳盡、耽誤病情
經歷過程- 診証時間極其急趕，快來快去
推介意見- 可能人夾人緣自己衡量