經歷詳述:
之前未睇過林醫生，12月31日打電話預約做婦科檢查，約好了1月2日下午3:00。
我當日大約3:05-3:10到診所門口，當時門外依然掛住休息牌，我便試試按門鈴。

有一個穿普通衣服的女士應門，我便告知她我是約了今天來看醫生。
她不慌不忙的告知我「醫生有急診出咗去喎，下畫都唔會返嚟，你約咗咩時間㗎？」

我： 我約咗下畫三點吖，31號先打嚟約，係姑娘建議呢個時間OK吖！
應門女士：你本來想做咩㗎？
我： 我諗住做普通嘅婦科檢查。
應門女士：哦～你係第一次睇㗎，咁你睇過第二個醫生啦。

好在有朋友陪我，我們唯唯諾諾的表示明白便離開。
這是什麼的對答？我和友人都哭笑不得！

你有急診要放棄晒下畫啲Booking，我理解；你姑娘無打電話叫我唔好來診所，我原諒；但係我已經成個人㨂咗係你診所門口，你唔講sorry無唔好意思不特止，仲叫我睇過另一個醫生？你間診所唔係咁樣做嘢吖？

醫生得唔得我無法知道，但你間診所入面啲人咁樣做嘢，大家自己衡量啦。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧