經歷詳述:
周身唔舒服自然會多野呻, 好多醫生好似嫌我煩, 愛理不理咁。
黎醫生真係好有愛心善心, 教我點様同醫生好好溝通, 看得出黎醫生個心完全係想醫好病人, 對其他醫生都好尊重, 重幫我打封信交帶病情。 我臨走時重提醒我記得喺屯門醫院覆診果陣, 交封信比醫生睇。 我同醫生溝通好咗, 有咗封信, 屯門醫院醫生安排我照胃鏡同埋約見言語治療師。
其實講到手勢, 我真係從未試過一個好似黎醫生咁好手勢, 定到幫我照喉鏡都唔洗噴麻醉藥, 完全無痛無唔舒服, 好放心好似食咗定心丸嘅感覺, 重有知道邊啲藥唔啱我用。
我以前都有幾次睇過佐敦嘉賓大廈出名貴嘅醫生, 電筒燈照吓, 醫生最多講四句, 我想問多句都驚過時加錢, 收費重好貴。
黎醫生幫我做咗好多嘢, 用咗好多時間同埋心機，不但止無加我診金, 重比埋折扣我, 診所既醫療器材又與時並進, 就算收足我費用再加診金都合情合理, 我以後都會每年嚟做耳鼻喉檢查, 雖然我係退休長者兼長期病患者, 錢都係應洗則洗, 黎醫生嘅愛心善心我好感激, 不過下次一定要收足我費用呀, 黎醫生愛惜病人, 病人也珍惜黎醫生呀。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇