經歷詳述:
游完水後耳仔又響又痛, 睇過醫生食完藥都未好, 耳仔好痛, 重流出淵臭液體, 外甥仔做保險經紀, 話啲客人回應知道邊個醫生最好, 叫我不如去睇睇黎醫生啦。

未見過咁大咁舒服嘅診症室, 我喺彩色顯示屏幕睇到自己耳道流出膿液, 又睇到耳膜穿咗, 黎醫生一邊檢查, 一邊講比我知, 好多嘢我唔識問, 醫生都會主動講比我聽, 好詳細, 又寫紙比我去另一處地方配耳模耳塞。

跟足黎醫生嘅指示食藥, 滴耳仔, 洗頭游水都用耳塞, 依家耳仔無痛無流膿, 好番晒, 前兩日重帶住耳塞去游水添。

親身體驗, 外甥仔講嘅嘢真確, 黎醫生醫術好, 有醫德, 超好人, 又無架子, 姑娘又好又有禮貌, 睇一次就知咩事同好番晒, 早知就快D去睇佢, 唔駛搞到耳膜都穿埋, 診症室寛敞整潔, 尖沙咀區, 醫療設備一流, 重有專業配藥員, 睇報紙新聞都話：最近醫療科技潮流, 有助醫生更淸楚更準確診斷, 依家百物騰貴, 醫療成本不斷上升, 我又無買保險, 初時唔捨得, 但計起嚟, 好番唔駛再覆診, 其實物有所值。

揾到個好醫生, 手勢又好, 一於出年再去黎醫生度 , 睇吓隻耳膜生唔生得埋先, 順便淸理吓D耳屎都好喎。

簡評:
個人觀感- 經驗豐富、絕不拖症
經歷過程- 醫護人員親切有禮的提供協助
推介意見- 值得向有需要人仕推介