經歷詳述:
成5-6 個師奶護士, 個個態度幾度惡劣。 登記完將身分證丟俾你， 極度無禮！ 講野態度供供串， 改預約時間竟然係度嘲笑話咩， 你黎到先算喇。

診所昏暗， 鋪天蓋地嘅奶粉廣告。 入到醫生房， 嚇左一跳！ 完全零私隱。 密密麻麻全都係file， d 護士係度不停行黎行去，出出入入。 好啦， 坐低同醫生對話， 竟然有兩位護士全程企係醫生側邊聽埋一份！ 十分莫名其妙！ 令求診者覺得非常不舒服。 之後檢查身體， 兩個護士十分不耐煩咁叫除褲，求求其其， 窗簾都未關好！ 醫生一檢查完出去， 兩位護士即刻係度傾計， 完全當你透明， 紙巾都唔遞下， 唔好講咩專業操守。

唔評論醫生係咪醫生高明， 本人認為平平無奇，解答唔到問題！之但係對住班咁嘅護士， 簡直係俾錢買難受！

本人定期會做私人診所身體檢查， 從未試過如此一個不愉快嘅經驗！ 真係一肚子氣咁離開診所！

求診人士請三思！！！
簡評:
個人觀感- 普普通通、中規中距
經歷過程- 醫護人員親切有禮的提供協助
推介意見- 本人絕對不會再作光顧