經歷詳述:
身體不適，聽保險佬介紹袁富林醫生，所以就去啦。本來打電話想問下時間，怕醫生要出去，但姑娘態度都幾兇，好似殺佢全家，我都已經算。 去到其實等一等就到我，但醫生態度好差，不停要我買驗身plan，我一下子當然要考慮下，因為都唔平，之後就態度好差，又話我都唔係好care 自己，唔係擔心自己。
老實講，唔擔心就唔洗睇醫生啦，好多錢咩宜家？好多時間好好玩咩？坐車唔洗錢？一話考慮下先，態度就好差。
然後又問我做乜工，住邊度，好似查宅咁。
後來同d朋友投訴，其中一個住大圍都話有睇過佢， 有係sell 驗身plan，都幾hard sell，所以唔會再去。
我比錢睇醫生，又唔該前，唔該後，好有禮貌，但比錢買氣受我就好唔妥。袁富林醫生醫唔醫到人我唔知，但佢態度差，無家教，查家底，hard sell ，好無醫德，就真係好令人討厭。400 豪比佢。
態度差到以為自己係香港唯一一個醫生咁。
以後blacklist 佢。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧