經歷詳述:
剛搬到康城，幼兒剛開學不久生病了，附近有兩間診所，見蔣醫生有皮膚科文憑，兒子又有濕疹問題，於是選擇了這個醫生。
早上9點診所一開門打了很多通電話，終於登記了，請我11點再落診所登記，10:45我打電話到診所詢問，還有七位病人才到我，姑娘說必須11點親身到診所登記，否則可能會推遲我的時間，只好帶着發燒的兒子去登記，姑娘很好，親身登記後說還有兩位到我的時候再打電話給我。
終於快12點的時候到我了，由於我兒子剛開學不久，生病的次數不是很多，這次是他第二次生病，上一次生病也是傷風感冒，因為之前的醫生開第二次藥力強一點的藥才有效，我認為這是我兒子的病歷，我便告訴醫生，但是醫生完全沒有耐性聆聽，更說：「次次病都唔一樣㗎啦，我唔知你講乜嘢上次，冇上次嘅！」完全不讓我說話，再說：「呢兩年啲人唔知乜嘢係傷風感冒㗎，唔知傷風感冒係點㗎，以前啲人個個都識得傷風感冒㗎啦，而家啲人唔識㗎，你哋學吓啦！」
期間完全冇幫我兒子檢查過，冇用過醫生聽筒，冇用電筒照過個鼻同埋耳仔，亦都冇用手按過我個仔條頸扁桃腺同埋鼻竇之類嘅位置。然後我請醫生望一望兒子的濕疹，醫生便說：「咁你要快啲啦，我哋呢度睇好快㗎，出邊好多人等緊㗎！」然後就咁望兩望，話：「係呀濕疹呀，你搬離開康城會好啲㗎啦，我喺康城做咗11年，我見過好多啦！」就咁開咗支類固醇俾我。
由入醫生房直到出房，應該2分鐘也沒有。這次診金連藥$580
無論有無小朋友都好，完全不建議這個醫生，完全稱不上醫生。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧