經歷詳述:
完全無所適從，一入去見醫生，告知醫生問題係不適，上星期已看過本診所另一曾醫生，而且曾醫生非常好，寫了轉介信給我看物理治療，但因上班還十分痛楚，記得上一次曾醫生還說如果再有痛症緊記再返嚟診症，所以返嚟。

同蔣醫生講前幾日買嘢拎完返屋企之後做又變得10分痛楚，蔣瑤達醫生聽完之後，問咗一句邊度痛，隨即就講今日好忙好多人喺出面等緊，唔好意思。問我有冇做物理治療，我答有之後，佢講咗一句：轉咗佢啦，咁冇用。 之後不停都好急好想快啲完，一輪嘴講食藥冇用，叫我兩個月都唔好做運動，唔好笑呀，還指住自己個腦話我你喺呢度有問題，當我想講嘢嘅時候，佢就提我，淨係講要唔要假紙，要唔要！！！！
我話需要因為今日請假，佢就講寫一日假紙俾你，但我需要長架子睇物理治療，佢就大聲說點解呀，然後講得，我寫兩日俾你啦，唔好意思真係好忙好急，都冇時間比我講病癥，就送我出門口，當我想講嘢，佢就應我拜拜.....拜拜想我快啲走，最後尾拍我膊頭同我講冇事既，唔滿意我，可以以後唔好睇我。。。。

忍唔住氣再返入去搵佢，問佢點解要咁樣對待病人，佢就不停話之後好忙好急要六點走，仲有15個病人真係走唔到，已經寫緊野比你打緊你既狀況，照顧緊你㗎啦。但我隨即就同佢講你咁樣叫照顧我咩，你不停趕我走。只係想快啲完結，佢就話之後有更多嚴重嘅病人，但係我就唔嚴重咩，不停話自己以前有做過骨科，但係咩都冇同我檢測，同曾醫生係兩個唔同嘅人，曾醫生之前都有做過好多檢查，詳細同我講安撫我唔使擔心。我就同佢講如果你咁講，點解你唔閂門同出面姑娘講唔可以接咁多病人，但係你要Hea睇，仲要用咁嘅態度對病人。唔嚴重嗰啲就1分鐘趕佢走，但問題係如果我唔嚴重就唔落嚟睇你啦。坐都坐唔到仲要唔緊要，如果你係咁趕急睇啲再嚴重啲嘅，點解你啲Time Management咁差，你可以操控自己啲時間，但做得醫生係咪應該要咁嘅態度對待病人，去爭取時間六點走 。
最後態度惡劣還企起身凶我，話返我轉頭，醫生唔係比病人鬧，我只可以同佢講我冇鬧你，但係都係咁多年第一次返番轉頭要話醫生，你係咪應該要諗吓點解身為一個醫生會比病人話，然後佢就講可能我太急對唔住唔好意思。
最後咪我只可以同醫生講，就係因為之前睇過你你好好所以我先再返嚟睇你，但係我唔明點解你會指住自己個頭話我喺呢度有問題，反映我係有精神問題？

我想請問病人有咩錯誤，要有咁嘅醫生去對待？

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧