經歷詳述:
首先被門口診金吸引，230港元。姑娘好好，告知醫生到診時間，診所內環境乾淨舒服。應告知到診時間去應診，我都遲左半个鐘先到，好在仲未叫到我既號。觀察左到診有咩人，醫生幾耐睇一个。印象非常好，因為醫生係我未見過更有耐心同俾好多時間去問診同了解每一位病人。十分欣賞！其後叫到我，我就入去反映自己不適既情況，之前既病史，一路都好信賴醫生。直到去攞薬俾錢，710港元。打左个突！可以接受多啲既薬費，但冇諗過係3倍多既薬費！對比之前既應診費用同薬費，都接受。因爲我有同醫生講過想清得好啲啲菌。所以，都接受！但係，量大加上薬效勁，都爲我帶來前所未有既便祕情況。我又去睇另一位醫生反應便祕得死去活來既情況，同提及一个月前食左好鬼多既抗生素。最後方知，原來係食更強既抗生素時最好加上益生菌。因爲抗生素既薬效可能會引致失衡！我不滿既係：1. 醫生冇告知可能帶來既副作用，2.醫生冇自己既判斷只聽我既要求，而冇去用專業去衡量同提岀係咪要薬效更勁！3.醫生冇提下薬費會貴好多既情況。4.病人我只有乖乖聽教同俾錢！

簡評:
個人觀感- 詳盡親切、耐心施診
經歷過程- 求診病人實在太多，等候需時
推介意見- 可能人夾人緣自己衡量