經歷詳述:
呢件事發生係幾個月之前, 但本人對呢件事仲十分耿耿於懷。後來發現可以擇寫尋醫報告，所以到此發表一下個人感受，讓大家來評價事件。

個日我發燒，突登等到佢中午開診既時間就到左診所，平時睇開隔離個間，但係當日佢排長龍，我又真係好唔舒服，所以決定試試呢間。

明明已經到左開診時間，但係我坐左係診所８－９個字，醫生先返到，再加上等埋之前輪緊既病人睇証既時間，我大約等左一個鍾先見到醫生。

醫生知我發燒，問左病徵後，就拎起聽筒準備聽診。佢拎起聽筒個陣叫我放鬆D，之後一句都無講就扯起我件衫，將手申入我心口既前方（我好肯定係心口，如果聽肚個D我一唔會覺得有咁大問題），跟住我先說明我係一個23歲發育完成既女生，我覺得呢件事好奇怪，我反應過黎隔住件衫捉住佢隻手，我問：唔係可以聽背隻架咩？跟住佢語氣突然變重，話如果唔比佢聽點幫我睇？

我話：我睇左咁耐醫生，在成人後我睇既醫生都係聽背隻，我未試過有人聽心口，即係証明聽背隻呢件事係可行架啦，佢就話我唔比佢聽，就搵第二個醫生啦，你唔比我聽我唔會幫你睇（語氣變得更重）。

之後我就話，我咁唔舒服等你等左成個鍾，你E家話唔睇？
佢就話你唔比我聽診我點開藥比你？跟住叫我走
於是我就拎返D野走，但當時覺得好委屈，一出診所就喊左出黎，我明明已經咁唔舒服，明明係可以避免聽心口，點解仲要比人鬧，仲要拒診？我次後諗，如果佢掂到我既話我一定會報警，但係其實佢只要同差人講話佢只係聽診，佢就一D罪責都無。

但係明明其他醫生都可以聽背隻，佢就堅持要聽心口，到底道理何在？希望如果有女仔想睇呢個醫生，希望你地可以睇到呢篇文，我過左半年，呢件事都記得好清楚，個種唔開心都E家都仲歷歷在目！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧