經歷詳述:
本人4月去做保險送的婦檢，果陣只因名單上有呢個醫生，所以去睇，許醫生檢查完話有點乳腺增生，叫我去照x光，喺佢度做要$700, 咁我話寫紙睇政府，轉介信都收300。陰道有小小發炎，做埋抹片化驗，做完化驗另外收費。

第二次去睇報告加攞藥，電話問佢大概費用話400，上到去變左400診金+400藥費，收據費用任佢寫。佢好似覺得我有醫保claim, 隨意寫貴d都唔怕，沒有事前解釋任何收費。我有點愕然，碌卡要比800蚊，姑娘仲話依家醫生同你塞藥喎，講到好似好值咁，然後又話本身普通科300，你婦科就貴d要400，診所內完全無任何標價，也不知原來診金咁貴係唔包藥費。

(個人少少題外話：咁貴諗住碌卡，某銀行簽醫療類別有5%回贈，點知原來呢個醫生登記係超市類別，感覺有冇咁兒戲？) 諗返成個過程好似都唔係咁專業，有啲懷疑某啲醫療程序其實係咪真係有呢個需要。普通做檢查，好似變左被佢sell，任佢開價，感覺好唔專業，上左去兩次加埋就唔止1300了。
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧