經歷詳述:
本人懷疑有孕，已自行用驗孕棒驗過正實有左，但去政府掛期要有醫生紙先可以，所以諗住近近地在附近找間婦產科醫生再檢查，囉張醫生紙。
入到去醫生已問我有無自己買驗孕棒檢查，我話有，仲驗到有，到佢檢查都正實真係有，佢話面家6星期多D，問我做唔做埋超聲波而家可以睇到個B心跳。佢係醫生，佢話呢個日子可以睇，我咪信佢話睇埋囉，點知照到了，佢又話個B太細睇唔到D乜，要我下星期再去照，到時就會睇到心跳。唔係嘛？又係你話睇到我先OK照，你而家又話我早左照！FINE，算喇，呢一刻我已經同自己講我唔會再幫趁佢，拿拿林囉埋張醫生紙走就算，點知佢衰到話唔會俾醫生紙我，要我下次再黎照多次先肯俾。我問點解，你驗又驗到我有、照又照到我有你都唔俾醫生紙我？我已表明我要醫生紙去掛政府。佢竟然話而家太早預產期計得唔準，會影響日後做檢查。喂！我唔係第一次生了，預產期點計我唔知，擺明握錢，佢借口多多，講野又快，只係不停叫我一個月回來CHECK一次，幾多個月又照一次...完全唔理我要醫生紙！
真係火都黎晒呀！呢D咁既握錢醫生毫無醫德，我一定唔會再幫趁佢。奉勸各位準媽媽都唔好幫趁，唔係只會好似我咁火，影響個胎呀！火火火！
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 已視為本人的必然選擇