經歷詳述:
呢間診所醫生同姑娘都好恐怖，姑娘講野似錄音個樣黑口黑面問多兩句都鬧你，醫生説話唔知話佢直定真誠定表達能力差，物以類聚姑娘同醫生都好令人討厭，第一次當媽媽，一定很多事情不知道，只知當時7週，因有少許留啡即去照超音波，首先一入去見醫生，佢就係咁問我，你係咪有咗？幾時驗有冇睇過醫生？我話有，佢都係唔係好信我咁，跟著我再講我睇咗醫生確實咗之後，再驗咗好多次都有，佢先信我！！（心諗佢都痴線，我做乜要講大話，唔通我冇BB 嚟超聲波做乜鬼，你估好平吖？）
跟著姑娘同醫生叫你訓上床時，感覺好唔舒服好冇安全感，你知第一次大肚去照真係好擔心好驚，照嘅過程問佢野又唔答你，一答就話呢粒黑色好以係胚胎，但又唔肯定，跟著又話同週數size 不相符，我問係咪排卵遲？佢話可能係～～～（你去死啦⋯我唔問你唔答！）之後叫我下星期返去再照，我一定唔會再返去比錢買難受，奉勸大家如果係新手媽媽一定不要找呢個垃圾醫生，因為只會令你更擔心！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧