KK回應:
係，個醫生說話態度好差。
我腸胃有d唔妥，我講返之前一日食完lunch後唔舒服，我話尋日就好痛，今日就冇咁痛，但仲有少少痛。
我一提到尋日嘅狀況時，佢就好惡話「唔好講尋日，我係問你今日！！」
同埋我隻耳仔有d痛，佢已經有聲氣話我張Voucher睇咁多野(我用醫療卡睇)，佢幫我用儀器，插入耳check時拮到我耳有d痛，我同佢講有d痛。
佢話「咁無辦法！你油耳架？我無辦法幫你check! 照落去一pat野咁，睇唔到野！你要去洗左耳仔我先睇到。」
洗耳要去耳科專科洗，何況我隻耳可能發緊炎，點洗。我好返就唔洗黎睇醫生啦.....
我耳仔成日發炎的，雖則我係油耳，但我都未試過有一個醫生話我油耳check唔到我耳仔的。
期間仲有好多好受氣嘅嘢，成個過程都好受氣，佢講嘅野答左等於冇答，好癈。