經歷詳述:
1.book左1745，護士早一日打黎話醫生有手術做要轉1900，噤我大概1845到，等到2000先有得睇，之後問返reception護士，原來醫生遲到，但一句唔好意思都無講，白白浪費左1個鐘乾等
2.入去診症房同醫生講左幾句後佢私人手機響，佢即時接聽，接完後無講仼何唔好意思字句，非常無禮貌，零尊重
3.專科收費，GP睇症速度，GP都有耐性同解釋得detail過佢，我應該唔夠5-10分鐘就睇完
4.無乜點問history，都係自己講，佢聽完我話眼乾，用手扭下我眼皮就話我無眼乾問題，不過如果我覺得乾，可以自行買人工淚液滴，我追問會問會有underlying problem令到眼乾，佢話係我自己覺得，但其他野一律無解釋，真係連淚水分泌都唔駛check咩？
5.話眼痕，每晚訓左覺會捽眼，之前要每年去睇GP拎類固醇眼藥水滴先有用，佢今次開一支立康嘅普通舒緩眼睛敏感眼藥水，咁就$120，之前滴過都無用，又無問我有無滴過呢款，已經講左係chronic問題，試過唔同眼藥水都無用，佢一味想快d完，趕做臨收工前既小手術，因為佢同手機另一面既人講佢拎埋部車要9點幾先走得。佢仲同我講，如果呢款眼藥水唔得嘅話，可以再返嚟搵佢拎類固醇眼藥水，咁係咪即係要俾你再呃多$1000？
6.佢問我之前滴類固醇個幾日對眼會唔會無噤乾，我話都乾，跟住佢ignore左呢句，都係覺得眼乾係我ff出黎
7.我覺得你賺錢都唔係問題， $900診金，但係你真係要俾返正常嘅服務態度同質素，唔好因為趕收工而Hea我個case，我都真係因為有唔舒服先嚟睇醫生，又唔係黎呃病假紙，已經係夜晚七點既booking。我依家係黎睇專科，唔係普通GP，期望係有更高質素嘅對答同埋解釋
8.之後返屋企再做返資料蒐集，原來呢個袁紹華醫生之前已經係有一單喺寶血醫院幫人做白內障手術嘅醫療事故

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧