經歷詳述:
個登記姑娘態度超差又串，將成個登記counter 用包書膠 圍住，塊膠一打開左即刻閂埋 好驚病毒 如果咁驚 真心唔好做醫護 EQ又低 用醫療卡入去登記 放低電話 個短髮右邊面有一大撻斑嘅女人 ， 第一句問我 咩事睇醫生 第二句問地址 問問下 又問我係咪第一次睇 跟住即刻串我話 你放低部電話又無準備身份證 ，想點呀？

嘩，我心諗 ，呀姐！我搵緊呀 ，你機關槍審犯咁我 ，我答你先定搵身份證呀？ 成間診所都無人睇 ，好忙咩？

跟住我同佢 擺低電話先搵緊身份證啦， 佢即刻發惡 講 你咩事呀？

嘩 ， 呀姐簡直極品 ，無拿拿入黎睇病，比你粗聲粗氣

個陣 差不多 12點半 ，佢無拿拿登記緊又話，過左12點半唔收醫療卡， 我即刻問佢 咁我仲用唔用到，佢又問 啱啱登記左 咪得囉 ，我即刻 發晦氣答佢 哦，唔該哂（反白眼）。講呢句都係多鬼餘

入到去見醫生 ，呀伯醫生其實都係呃飯食 ， 用聽診器 就咁 掃我件衫當聽左 ，其實O左咀 ， 睇左無30秒就行返出去 ， 又無講你咩事 又無講會開咩藥俾你

如果大家要比錢睇佢 就免啦 無謂受人氣

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧