經歷詳述:
真係斷症好準, 同埋超仔細
屋企人之前咳左幾個月，睇過好多個醫生，唔同咳水咩都試完，又話係敏感咳又話係長新冠，x光都照埋話冇咩野，跟住聽到新黎左個女醫生，諗住叫屋企人去睇埋睇下點。戈日蔡醫生問左好耐好多野，聽完阿媽個肺竟然話有機會唔係小問題，要再去照一照掃描，仲要話唔好信哂之前張X光，話X光冇用，會忽略好多問題。其實都唔係好想洗錢去做，已經洗左好多錢睇醫生，個個都醫唔好。點知最後原來真係癌症，好彩係未係好後期仲有得醫，跟住公立個專科醫生都話好彩早黎仲有唔同方法處理。好老實，我都知冇咁多神醫，但起碼蔡醫生真係好細心好詳細咁問症，先問得出有古靈精怪野，強烈要求我地要照肺，希望我阿媽戈到可以快搞得掂。
簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇