經歷詳述:
中學開始好容易流鼻血 試過多次入急症室 正苦專科門診電過兩次鼻血管
最近更加嚴重 同事介紹於是去睇
籃醫生診症非常仔細 會攞塊鏡出嚟叫我留意嘴唇嘅紅點問我有幾耐
又叫我張開口 用內窺鏡檢查同拍照片
睇過咁多醫生 第一次有醫生叫我俾埋手指佢檢查..

然後係藍醫生建議下做咗內窺鏡深入檢查鼻同喉龍
最後話我流鼻血係因為有遺傳病!
嗰下真係晴天霹靂
因為睇過專科咁多次都冇聽過任何醫生提起!
藍醫生話我係遺傳性出血血管擴張病
除咗搞到成日流鼻血 仲有機會喺重要器官裏面有畸形嘅血管出血導致死亡
醫生解釋左唔同治療方法 進一步要做嘅器官檢查睇吓有冇畸形血管 又問我屋企人有冇呢個問題
我老竇當年都成日流鼻血 最尾中風肺部出血離世
但最擔心係遺傳俾兩個小朋友
好不幸有一半機會遺傳咗俾小朋友令我更加憂心
藍醫生寫咗轉介信叫我去兒童醫院做基因測試

感激藍醫生的專業判斷和診症 如果唔係我永遠都唔知自己有咁嚴重嘅病


簡評:
個人觀感- 詳盡親切、耐心施診
經歷過程- 求診病人實在太多，等候需時
推介意見- 想充分掌握病情者應試