經歷詳述:
話說六點半到咗醫生到
等到八點九入去睇
我：工人姐姐喉嚨痛
醫生：問有冇做檢測
我：未做不過買咗準備做
醫生：咁做咗先 如果中咗就唔使睇

好 冇問題
我當我自己戇居
等咗兩個鐘唔一早做

一做中咗
我同姑娘講
咁我哋走喇 因為醫生話唔使睇

姑娘話等等先 問多次醫生
我話唔緊要 我等
之後出嚟叫返我入去睇

醫生第一句：要唔要特效藥
我：請問特效藥有咩作用同有乜嘢副作用
醫生：沉默3秒 之後問有邊度唔舒服 有冇頭痛
我：冇
醫生：有冇肌肉痛
我：冇
醫生：有冇喉嚨痛
我：有喉嚨痛 圍住條頸痛
醫生：即係肌肉痛同頭同啦
姐姐：唔係, 係成個喉嚨痛
醫生：咁即係頭痛同肌肉痛囉！有冇發燒？
我：冇
醫生：有冇想咳
姐姐：只係想講嘢嘅時候喉嚨好乾先至會有少少想咳
醫生：咁即係有咳啦
姐姐：我真係冇咳, 係講嘢嘅時候喉嚨好唔舒服
醫生：都話咁即係有咳囉, 我幫你量下血壓
醫生：心跳有啲快你係咪好緊張
姐姐：係因為啱啱知道中咗肺炎第一次
醫生：正常家covid係會心跳加速
姐姐：我全日都好地地係check咗positive之後個人先至緊張心跳加速
醫生：咪就係因為covid會令心跳加速囉
醫生：我開五日藥畀你ok?
我：好冇問題 請問有咩藥
醫生：特效藥 退燒藥 咳水
姐姐：但係我冇咳
我：唔緊要, 當醫生開定你咳嘅時候有得食
我：請問特效藥有咩作用
醫生已經好唔耐煩：特效約咪就係針對肺炎囉
我：我哋普通市民唔識所以想請教下 咁係咪有乜嘢副作用
醫生馬上好囂張：會死㗎
我：醫生你講笑定講真呀
醫生：寫到明㗎,有機會會死㗎, 小數, 咁而家你係咪要問過佢嘅意見先至可以畀佢食特效藥
我：梗係啦 佢先係病人佢有權選擇㗎嘛
醫生佢突然間同姐姐轉中文講：個副作用係....
我：姐姐唔識聽廣東話
醫生：咁你嚟啦

我解釋完 姐姐話唔要

醫生：好嚴重㗎喎 你知唔知肺炎兩年前死咗幾多人呀 你屋企如果有老人家好容易都死㗎 你仲有小朋友
我：我哋都係想問清楚啫因為我之前屋企人中咗肺炎都冇特效藥食
醫生：咁你仲要唔要特效藥
我：病人自己都話唔要咯由佢啦
醫生：好你出返去

姑娘：埋單800
我：請問診金幾多錢
姑娘：300
我：咁你即係話畀我聽五日咳水同退燒藥要500
姑娘：等我問下醫生先
三分鐘之後姑娘：係
我：唔需要喇 我淨係畀診金得喇

走嘅時候我同姑娘對話

我：你哋嘅態度好好, 但係你哋呢個醫生好有問題
姑娘：係, 我哋知道, 唔好意思
我：笑左

好彩當時臨崖勒馬
唔要佢啲藥 同埋唔要嗰啲特效藥
如果唔係畀佢坤千幾二千蚊
仲嬲

不知所謂既醫生

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧