經歷詳述:
一去睇，已經開宗明義話係中咗新冠
攞咗病假紙，但係病因佢寫係 upper respiratory tract infection 上呼吸道感染
我並唔係啲咩專業醫護人員 但係齋睇兩個唔同嘅Terms都睇得出應該唔係同一樣病因
打去診所問點解會寫呢個原因，因為診所冇幫病人驗，所以唔會當係新冠咁樣開病假，咁我就疑惑，點解都開宗明義話係中咗新冠，醫生大可以即場驗，後尾換咗另外一個姑娘接電話，態度亦係極其挑釁，話有咩事叫病人公司人事部打過嚟打過嚟，極其唔合理
首先第一 你而家唔肯寫病假原因係新冠嘅理據就係醫生冇即場幫病人去驗，無法確定是否中了新冠，難不成公司人事部打過嚟醫生就可以即刻證明？
第二，醫生係有義務保障病人私隱，個姑娘叫病人公司人事部打過嚟就會講返個原因，咁即係話診所係唔會保障病人嘅私隱？咩人打過嚟都會解釋俾人聽？
第三，呢一間診所星期日/公眾假期係唔會接受醫療咭，而我都唔肯定一間平日係會接受醫療咭嘅診所，點解喺放假而最多人去求診嘅日子唔收醫療咭係要收現金

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧