經歷詳述:
懷疑自己喉嚨生繭，所以諗住睇下專科。
入到去，睇咗唔夠五分鐘，個醫生只比咗三大真言我：
以後講嘢慢d，講嘢唔好大聲，唔好講咁急咁快-完。
我呆左，心諗，這些係人都知啦，洗嘜花錢睇專科醫生，不過我諗住佢啲藥可能幫到我，所以無出聲。
到我取藥，竟然係無藥，我又呆左，諗諗吓，都係問吓醫生會唔會比漏咗藥我，等咗陣，個醫生叫我入去，佢咁講：
通常要我開藥的病人有兩類，一類係講極都唔明嘅人，另一類係非常固執嘅人，你係邊類？
我又再次呆左，可能我之前好彩，從來沒有遇過這樣差勁的醫生，今次真係大開眼界，我話：會唔會都有藥醫架？佢態度好差，佢回應：咁我開維他命比你啦！
當時我欲哭無淚，只知道自己在浪費金錢和時間，原來香港有咁嘅醫生，到今時今日，我仲記得這個醫生的一言一行和面口，以前唔知有這個途徑可以發表意見，感謝有這個醫生網，把我的經歷與其他人分享，大家可以作參考。

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧