經歷詳述:
淋巴核腫脹多年，呢2星期惡化咗好多
淋巴核大到現哂形+出現好多炎症反應
身體好唔舒服見上網話好，所以去睇黃醫生

等候時間大概45分鐘
診症好求其，過程只需1分鐘
完全無解釋病發 / 惡化成因
亦無檢查過喉嚨 / 口腔
更加無提供任何治療辦法或建議
最後醫生無開藥，只收診金

但因為腫脹同吞口水太辛苦
所以問姑娘有無得配消炎藥 / 抗生素

姑娘 :
你有無諗過醫生點解唔開比你？根本你自己”營住” 覺得有事淋巴腫大咋？如果你真係有事，你而家都唔會仲企到喺呢到啦！

(其後我一邊離開診所，姑娘一邊強調係我問題)

未試過睇醫生係咁嘅體驗
我有嘅病徵呢位醫生+姑娘完全毫不理會
仲要被質疑我講大話

最後要睇另一位專業嘅醫生先改變到狀況
如果唔係清耳屎，真係唔好搵佢

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧