經歷詳述:
本人因手關節受傷，經朋友介紹搵了王醫生。之前睇呢個網Ｄ評價都有Ｄ擔心，不過朋友強力推介，所以都心大心細咁上左去。由於無乜睇骨科經驗，所以都唔係好知要做D咩。上到去照完X光，其實張片我都唔知照左Ｄ乜，不過見佢放大好細心咁逐忽檢查，最後發現好似有個位崩左，同埋要照磁力共振睇Ｄ筋<--好似係，定唔知咩組織。

原本姑娘問左間野，話要過兩日先有得照，同埋再等兩日攞報告。但我心急想一日攪哂，姑娘都好幫手，幫我攪得掂可以即日照同攞報告。之後發現有Ｘ光照唔到既骨折。因為手停口停，好心急想知幾時好返，同埋有Ｄ咩可以做，有Ｄ咩唔做得，醫生都答得好詳細，問左好多問題都答哂。so far而家康復進度都幾好。第一次入去睇同埋去攞報告，都入去講左好耐！所以我唔明點解有人會寫佢唔耐煩？希望打呢段字幫佢討返個公道。
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 已視為本人的必然選擇