經歷詳述:
幾年前至今睇過無數過普通科及耳鼻喉專科。都是說我鼻腔乾燥所以先會鼻痛。但經其他朋友同家人睇過徐加明醫生，都話好好。所以就去左睇徐加明醫生。
一見到徐醫生就同醫生講左我既問題，而徐醫生好有耐心幫我檢查。但因為之前在其他耳鼻喉專科照內窺鏡，都整到我唔係好舒服，所以我好驚。
但徐醫生同徐醫生姑娘真係好好服務，徐醫生姑娘見到我好緊張，主動安慰我，等我放鬆啲，之後徐醫生姑娘幫我噴鼻時候，好細心，亦講解左噴完之後會舒服啲。果然在照內窺鏡時候，我特別要稱讚徐醫生姑娘，姑娘主動比隻手我握住，而徐醫生亦好細心，當比我睇返鼻鏡條片時候，我先知道原來一直不是鼻乾燥，而是鼻腔有瘜肉。徐醫生開左藥比我，亦安排了做手術。而徐醫生開比我既藥，噴完真係舒緩左好多，鼻已經冇咁痛。而徐醫生姑娘好細心，講解藥物及入院做手術要注意啲咩，都講得好清楚。最令我深刻係第二日徐加明醫生姑娘親自打比我，問我鼻重痛唔痛，重叫我飲多啲和暖水，重叫我如果有咩唔舒服或問題都可以直接打比徐醫生姑娘。好好。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 不可多得，值得等待