經歷詳述:
5 月尾做 annual body check 照 X ray 發現有個黑影。之後做了一大輪檢查後，証實係肺腺癌。接住落黎嘅就係要揾心胸骨外科醫生做手術。見咗兩個，先見第一個院方介紹嘅，另外一個係自已網上做功課揾嘅孫醫生。一見孫醫生就不需再考慮 confirmed 咗孫醫生，原因係孫醫生講解非常詳盡，有問必答，冇架子同好正面，俾到你好專業同好正面嘅信心。去到做手術咁大件事，作為病人嘅係會非常非常憂心，特別係癌症。孫醫生可以給你正面嘅支持，信心同配合，這個係非常重要。孫醫生知我急，話可以安排第二日就入醫院做手術 (而且係 Sunday) ，讚！不過我唔得閒，所以安排數天後。手術係單孔微創肺葉切除，非常順利，個半鐘完成，手術一完成，孫醫生就打電話給我家人報平安，讚！術後即晚可以進食，第二天可以落床行走，而術後 report 一出，孫醫生當日巡房時即時給我解讀，是 1a 期。傷口痛楚每日減小，三日後出院，一星期後反孫醫生疹所拆線，拆線完全冇痛，讚！現時康復情況良好，之後定期做 follow up check. 非常多謝及感恩可以遇到孫醫生的仁心仁術幫助，令我可以積整面對癌疾及康復。希望孫醫生及後可以幫到更多肺癌病人。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇