經歷詳述:
咁多年嚟係香港睇咗無一佰都幾十個醫生，從無一個醫生會差到令我肯花時間嚟Seedoctor 呢個網登記做會員同留言。我係係呢度睇完啲滿分嘅評語先去睇呢個醫生，好明顯嗰啲留言好不真實好假。

簡單講句，同這醫生溝通非常痛苦。呢次係帶小朋友去睇鼻敏感，你問佢一句，佢頂你9句，問咗三條問題後我哋已經唔敢再問佢嘢。然後佢就問我哋問題，每次答完佢後，佢就不停發出吱吱聲搖搖頭咁，好似我哋答得好蠢咁。例如我哋話小朋友早上起身會眼腫，佢就問我哋有無影相，我哋話有然後俾佢睇電話影嘅相，佢睇到張相後話係平面相，2D睇唔到睇有無腫喎(其實好明顯睇到係眼腫)，跟住就不停話平面相又點睇到睇腫呢。。。咁一開始就係佢問有無影相，俾相佢睇又講到我哋無影3D相俾佢佢又點睇清楚呢？真係9唔搭8。

佢嘅態度係嗰種用字好似正常，但語氣就同語句嘅意思完全相反，係一種會令人非常生氣嘅態度。俾我感覺就係覺得自己係專科醫生高高在上，病人都要受佢嘅氣。

這次教訓就係唔好只信網上評分，亦唔好信啲醫生上電視或網上節目嘅表現，一定要有親戚朋友睇過好嘅醫生先好去睇。


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧