經歷詳述:
本人一直怕睇牙醫，因為細個經歷唔好，醫生姑娘都好惡～
今次睇許醫生見網上評價唔差，又近屋企所以去一試～
本身今日係諗住檢查隻智慧齒，因為發炎左成星期，我檢查嘅時候都已經好緊張，但姑娘好溫柔好好，會拍住你隻手叫你唔洗緊張～
醫生檢查完，點知話即時可以幫我處理埋，完全無心理準備，但長痛不如短痛，我決定即時處理埋～
心情仲緊張過檢查嘅時候，姑娘即時比左個舒壓球比我握住放鬆～
剝牙前醫生細心同我講啲牙嘅問題，會點剝，跟住就即時開始～
整個過程我諗剝左半個鐘，全程當我一緊張，姑娘就喺隔離拍住我隻手叫我放鬆～
整個過程一啲都唔痛👍🏽👍🏽👍🏽👍🏽👍🏽
極力推薦，醫生姑娘都好好，令我好安心！
同埋價錢佢都列明出嚟，唔洗擔心有啲古怪額外收費👍🏽👍🏽


簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 值得向有需要人仕推介