經歷詳述:
上禮拜五中午吃lunch無啦啦有只大牙痛，跟住第日吃麵包又痛，就霖住去洗下牙咯⋯⋯都好耐無洗過牙（洗牙我唔係搵許醫生既）點知一洗就話有只牙已經爛得好誇張（但外表一啲都睇唔到），醫生就話我一定要杜牙根，但佢要轉介（因為我覺得佢麻麻地 所以就最後無去到 anyway啦 依到唔講佢）

跟住我上網search咗好多全科牙科醫生啦，比我張x-ray佢地問價錢，點知有兩三個醫生都建議我去搵翻牙髓科專科醫生做，可能因為係大牙掛，神經比較多（一問就仲貴，全香港連20個牙髓科專科醫生都無，最少 $11,000 杜一只牙仲要未包牙套，牙套佢地仲要pass翻比全科醫生做）。

然後我係依到見到許醫生都幾多好評，心霖應該唔會假掛，就去試試。果然許醫生係個幾溫柔又專業既醫生，全程照咗2次 x-ray，一張爛牙既，一張全口腔，爛邊度都同我講得好清；做之前list晒每項既價目表等我自己霖做唔做，訓低仲同我講杜牙根係會有啲辛苦，時間有啲長（45分鐘左右），我問佢會唔會好痛（本人超級怕痛），佢就話打麻醉係有啲痛（打咗兩支，果然左邊過支打落去我就彪晒眼水）⋯⋯做過陣因為我發炎都嚴重都幾多血（我自己喉嚨feel到有腥味），佢都有同我講“比較多血哈，都發晒炎”，全程做咩都會同你講清楚，做過陣仲有少少音樂聽下舒緩下我緊張既情緒，我真係覺得係私家既服務。

收費係做咗一次就比一半，下次做埋就比尾數，實話說依㗎做完我輕鬆咗好多，無我想像中咁可怕同痛，都多謝許醫生，算係令我放低咗心頭大石！亦都推薦比你，好多人排隊㗎依間，所以記得book咗就要準時啦。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇