經歷詳述:
第一次睇牙有咁差既感覺😓，本來依個月唔個點解咁黑仔，成日牙齒出現問題，所以係唔同牙科診所影但好多張x光，所以唔想再係x光個到花費咁多，我就打算keep住最近個張，就算去其他診所都唔洗下下要照x光，希望停緊業可以慳返少少。
琴日大牙突然痛，想搵原本個牙醫睇，又冇曬booking，就諗住睇吓有冇第二間睇咗佢，就約咗呢間牙科診所。
點知一去到，前台嘅姑娘就已經好冇禮貌咁樣對待其他嘅人，黑曬口面，語氣態度極差。到我登記都好彩正常啲。
入到去檢查，醫生就叫我照X光，我就話我已經有X光，佢就叫我俾佢睇，再西西地問左我一句，點解我無啦啦會去照X光？我話因為我近排其他牙齒都有問題所以照過，佢就冇野講，幫我睇下。講左價錢，價錢亦唔貴，我就話我想問一問男朋友（🤑因為心裏面想叫佢資助少少），同埋都要同男朋友交代一下情況，佢就突然叫我出去間房係出面諗，咁我都冇乜嘢就出咗去，同男朋友交代完件事就諗住入返去整牙。
點知⋯前台嘅姑娘無啦啦叫我，話要收$100診金，我停左一停，心諗：我唔係考慮緊咩，做咩冇啦啦收錢？😂好似想趕我走咁
成個過程好似當全世界嘅人都係混吉咁，其實你哋咩態度，就會幾多回頭客，希望可以改善一下

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧