經歷詳述:
好細心又專業，為病人出發

因為長期經痛，拖咗幾年，終於決定搵婦科醫生檢查，以前睇其他醫生遇到啲不愉快經歷，見網上對李醫生評價唔錯，所以決定預約。

第一次見李醫生，覺得佢好細心，會慢慢聽我講自己嘅情況，然後清楚解釋問題同治療方案，唔會亂嚇人，但都會提醒我唔好拖，畢竟發現有朱古力瘤同瘜肉，當然要盡快處理啦！同埋呢個都係令到我愈來愈經痛嘅主要原因。
最後同老公傾完都係決定入院快快手處理佢就算。李醫生都好專重問埋我想去咩醫院，例如suggest我可以近屋企多d，屋企人容易照到，佢都好好話我知有咩選擇。

最加分嘅係，佢啲姑娘都好有心，喺我同醫生傾偈期間已經幫我準備好入院文件，手腳快到我都唔使擔心要等好耐，成個流程都安排得好順。

以前睇過好多唔同醫生，都係好Hea又或者得佢講無人講。但今次李醫生令我真係知咩叫站係病人立場諗野，作為病人求醫個陣一聽到個瘤字真係好驚，遇到個好醫生真係唔容易。總之成個睇診過程都好順利，李醫生又專業又有耐性，姑娘們亦都好細心，真心推介！

簡評:
個人觀感- 經驗豐富、絕不拖症
經歷過程- 醫生會從病人出發去提供意見
推介意見- 值得向有需要人仕推介