經歷詳述:
我是因為膝頭後面生咗膕窩囊腫（水囊）為此睇遍中西醫都醫唔好，雙腿經常腫過豬蹄，行路個腿如灌咗鉛球咁重，苦不堪言。於是在朋友協助上網搵好醫生，咁先到好多病人讚骨科李文輝醫生，贊佢為人好有醫德且醫術又好，於是碰運氣試預約去睇。第一次去睇李醫生，已證實網民講既系真的，果日朝早掛三號風球，李醫生得知我情況嚴重，提早到咗診所，並為我耐心檢查及解釋，並發現咗我另一膝頭也發炎，於是打咗針，好有效，之後食咗佢開既藥，好咗好多，但因我既職業平時要行好多路，腘窩水囊經常好咗又番發，始終未能完全好番，覆診時同李醫生商量下決定做手術切除水囊，一了百了。終於在9月21日中秋節請李醫生為我做咗手術，手術非常順利，左腳一個水囊，右腳兩個水囊，差不多雞蛋那麼大。全部切除，腳沒有之前那麼重了，突然感覺輕鬆了許多。數年膝患困繞一下子完全解決了，那種開心難以形容，而且第二天就可以出院了。李醫生真是我的大恩人，感恩現在還能遇到這樣好的醫生，所以想在此
分享給大家，再次感謝李文輝醫生。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇