經歷詳述:
農曆新年前一邊耳仔塞左，已即睇普通科醫生都冇用，新年假期後最早開診只有馮醫生，第一次睇佢時，只係照了耳道，問都冇問過我有冇長期病，就叫我去另一個地方驗耳，入去唔夠10分鐘打發我走。
第二天做左聽力測試，那位聽力專家寫了comment說覺得我係耳水牙不平衡，去到馮醫生度覆診，佢只睇了聽力報告最後的comment就說：你係耳水不平衡，冇得食藥，頂多開耳水藥比你（之後我check番原來只係普通止暈藥），叫我戒咖啡因那些，睇下有冇用，但問題係我之前睇過哂資料，耳水不平衡既主要徵狀係頭暈，於是我同醫生講我完全冇頭暈感覺，醫生都冇咩理會我，又打發我走。
後來食左幾日佢開既止暈藥當然冇好轉，覺得唔對路，轉睇另一位專科醫生，那位專科醫生一睇我份聽力報告就話我好大機會係突發性耳聾，因為兩邊耳仔聽力相差好遠，耳塞那邊耳仔直頭聽力受損，話之前那位醫生冇可能睇唔到，呢位醫生幫我睇症症成個鐘，幸好呢位醫生及時醫治，我的耳仔才康復，但之前被馮醫生判錯症，令我錯過了黃金治療14天！

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧