經歷詳述:
媽咪因為腰背痛, 一直都依靠輪椅出入, 最後仲痛到無胃口食野, 所以去左搵骨科醫生攞意見.

醫生話媽咪因為腰椎有壓縮性骨折, 所以比左幾個治療方案比我地揀, 分別係食藥/物理治療/做手術(脊椎骨水泥鞏固手術).
最初我地幫媽咪選擇食藥+物理治療 (因為媽咪年事已高, 之前又做過大手術, 所以初初想由舒緩性方向去醫),
但食左藥同做物理治療都唔係太見效, 所以係覆診時問醫生關於手術嘅詳細內容,
其實係搵郭醫生之前, 我地另外搵過另一個骨科醫生, 但郭醫生真係好細心而且唔怕我地長氣, 好詳細咁解答我地幾個嘅問題, 仔細講晒過程,風險., 仲主動比左條手術模擬片比我地睇, 大大增加左我地同媽咪嘅信心. 所以我地好放心交由郭醫生做呢個手術.
去到做手術果日, 醫生問我媽咪有冇緊張, 媽咪仲係度講笑話佢只係諗緊手術後去邊度旅行, 好好笑~.
做完手術後第2日, 媽咪已經自己落到床. 仲好開心咁同我facetime影比我睇.
今次手術佢好滿意 (仲因為識行識走, 術後覆診左一次之後就冇再去睇郭醫生了),
比較返之前係私家做過2次大手術, 今次佢覺得無論間醫院, d護士, 麻醉科醫生同主診醫生都好細心好關心佢.
簡評:
個人觀感- 健談友善、感覺良好
經歷過程- 醫生會從病人出發去提供意見
推介意見- 值得向有需要人仕推介