經歷詳述:
第一次寫評語，因為覺得大部份打手寫，不過，睇了評語，暫時見到全部都正評，即管試下。
因為手臂/手腕關節位，都有粒野突起，愈來愈大粒，原先以為搵皮膚科醫生，某診所（另一個集團）話我要睇骨科醫生，但佢介紹佢地診所的（其他）骨科醫生，我見大部份評語麻麻地，所以自己上網搵些好的，搵了幾個，好似依位醫生無咩負評。所以試試，醫生一睇，咁用電筒照比我睇，令我無醫學常識嘅容易明白發生咩事，我一直擔心嘅情況，放心左，了解左。還提醒我接近血管位，要我考慮是否做手術，沒有為賺錢就是是但但氹我必須做手術，反而幫我諗埋如果做手術會有咩風險，要抖幾耐（因為工作關係），有醫德，所以如果我要睇骨科醫生，我都會揀佢。（因為自己公司有保險，但佢地網絡推介過好多次，其他骨科醫生，但用醫療咭，真係麻麻地，只要快，是但。）（當然我唔否定其實仲有好多有醫德嘅醫生都跟這位醫生一樣好）
簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介