經歷詳述:
本人早前因感冒、發燒及咳嗽前往卓健醫療（青衣城）向龐飛鳳醫生求診。整個過程極度荒謬，完全不符專業醫療標準：
1. 斷症過程如「夾硬套口供」： 龐醫生全程完全無為我聽肺。佢只係望一望我條脷，就攞塊鏡叫我照，話我舌苔厚係「真菌感染」。佢問我食嘢係咪覺得好苦，我明確回答「唔係」且表示脷苔同平時無分別，但醫生完全無視我嘅回答，一意孤行開出高價藥物。
2. 醫療紀錄涉嫌造假： 事後向卓健投訴，CS 竟然堅持醫療紀錄寫住「醫生聽診時肺部清晰」。本人在此極力聲明，當日醫生根本連聽診器都無拎過出嚟，這種虛構醫療程序、無視事實嘅行為，令人震驚。
3. 亂開貴藥且診斷錯誤： 醫生開出價值約 $900 的抗真菌藥物，總收費達 $1,600。本人服用後毫無改善，轉睇第二位醫生後證實僅為普通感冒收鼻水即可。
4. 投訴處理極差： 雖然最終退回 $500，但 CS 不斷為醫生死撐，完全唔尊重病人嘅真實經歷。
總結：
呢位醫生「唔聽病人講嘢、唔做基本檢查、只顧開貴藥」。如果你想得到正確嘅醫療對待，強烈建議避開青衣城呢位龐醫生。幫得一個得一個！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧