經歷詳述:
我睇了黃醫生好多年，膊頭生了個一蚊銀咁大的粉瘤，幾年來沒痛沒事，一直沒理，最近幾日發炎有少少痛，於是去睇佢，問佢可不可在診所做手術切除，因為大脾曾經有粒長肉佢很久前幫我在診所切過，好細心，而他也是皮膚科，抱有信心。我問佢個粉瘤切唔切得，佢話要消腫細粒返先可以做，發緊炎不能做，這點 ok 我接受，但佢另一句我沒法接受的是 “你其實可以唔使切，佢細粒番消腫就唔使理佢”。我當堂呆在，放低 500 蚊，拿了一星期消炎藥同止痛藥，天真地希望真的可消腫先再做手術。點知一星期後，粒野感染了繼續發炎，由乒乓波咁大變到鵝蛋咁大，又紅又痛，因香港開始放假，搵醫生困難，去急症都係浪費時間，結果展轉去了大陸一間三甲醫院，當地外科醫生話無得唔切，上午門診下午馬上就做了，開刀放膿，不聯線及引流，但要足一星期每天去洗傷口。

黃醫生佢並非外科醫生，佢唔想做呢項手術，或甚唔識做，我很明白。我也能理解發炎問題較複雜，需要到醫院做，這都唔緊要，但當日可直接建議病人去搵外科醫生丫，你雖是內科，但也是皮膚科呀！你沒理由唔知什麼是粉瘤，怎可說粉瘤發炎可不用做手術呢？一句說話使病人延誤了診治時間，使患處變得非常嚴重，難道內科做得耐，天天像機械人咁賣藥比病人食就ok了？唉！失望到極點！

簡評:
個人觀感- 有欠詳盡、耽誤病情
經歷過程- 需要自己主動提出較多的諮詢
推介意見- 本人絕對不會再作光顧