經歷詳述:
先講明，最後我係冇光顧陳醫生，只係同佢投訴左前台姑娘，因為實在太過份。

前台姑娘態度惡劣，我唔會再多講，大家只要搜尋陳嵐醫生，就會見到一堆負評。

睇到佢對老人家呼呼喝喝，人地問多一句好似得罪佢咁，依加唔係要你做大好人，但基本溝通尊重要有。

本人睇唔過眼出左句聲，就開始比佢針對。最後決定打個電話預約第個醫生，但繼續留低等見陳嵐係因為想親口同佢投訴，而且要求刪除個人資料。

點知個姑娘聽到，下個名直接跳左我，我當住全世界問，我個名呢？佢竟然叫我繼續等。

但係陳嵐呢個時候就出左房嗌我名。

自己做左手腳，但個姑娘仲大大聲叫我han啲。

唔緊要，本人唔係無恥嘅人，唔會糾纏落去。

只係想講，陳嵐醫生，無論你醫德幾好，你唔出聲繼續無視呢個問題，就係助紂為虐，希望你可以出下房門，睇下有幾多老人家睇個病都要受氣。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧