經歷詳述:
媽咪膝頭痛咗三年,又腫又漲,最怕行樓梯,有屋邨街坊睇過劉醫生讚不絕口,人又靚仔又細心,對老人家又親切,上網做埋資料搜集,發現劉醫生好評如潮,同媽咪一齊上去見吓,劉醫生同媽咪好細心咁檢查咗,即日照X光片兩張,分析咗軟骨同筋骨退化嚴重性,發現已經第三期有多,70幾歲都好合理咁,醫生話好多病人同媽咪一樣,會醫得好,感覺好正面樂觀,令到媽咪都放心返啲,因為媽咪最怕以後行唔到要一世坐輪椅,劉醫生仲有解釋咗手術同打啫喱針分別,媽咪好想試打啫喱針先,因為佢等見醫生時已經四圍問咗其他病人醫生打針痛唔痛,打針時媽咪好緊張,事後佢話只係蚊咬咁痛一下咁,醫生手勢值得讚三次,不過最緊要佢而家行樓梯痛少8成有多,腫少好多,劉醫生都敎左好多方法幫佢應付以後再發炎點處理,劉醫生愛心同醫術兼備,能夠做得到細心幫病人,比病人同家屬好多信心,非常感激靚仔醫生!感恩!
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇