經歷詳述:
極差

唔尊重哺乳媽媽+斷症馬虎

個人覺得極不專業 首先小朋友係初生嬰兒，因為大便出血及發燒需要留院觀察。
醫生好夜先嚟到，完全冇同過BB做過檢查，掂都冇掂過佢，簡單交代咗幾句要做個核酸檢查就走咗。
第二日成點幾兩點先過嚟巡房，當時媽媽正喺度餵哺緊母乳，佢嗌都冇嗌一聲，就咁拉開個簾入咗嚟，當時個媽媽話佢餵緊母乳，佢竟然仲講咗一聲「佢唔介意」，感覺佢好心急想走，對女性極不尊重。
最後檢查出嚟係陰性，佢就提出有其他可能性，例如腸套疊，但係經過查詢其他醫生朋友及自己上網蒐集資料，根本個病徵唔係咁樣。但係佢只係會不停叫你繼續留院做超聲波，甚至再比多一筆錢去轉介腸胃科醫生跟進，而佢自己就可以繼續第二日同你玩巡房收錢，最後將保險claim form 仲要寫錯診斷，將懷疑嘅病徵寫成肯定。

最後最搞笑BB入完間醫院睇完呢個醫生完全解決唔到個病患，最後去咗公立急症室發現只係肛門撕裂，收咗咁多錢連咁簡單嘅病徵都check唔到

簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 本人絕對不會再作光顧