經歷詳述:
上網見好多好評就帶阿仔黎睇佢，阿仔晚晚都流鼻水同咳，好辛苦訓唔到，所以帶佢去睇區醫生。醫生睇完話佢係敏感底，遲下大個可能要聞氣好易有哮喘，已經嚇到我想喊。之後話佢氣管敏感，同埋叫佢照x光睇腺樣體，照完又無野follow up, 話大個啲先，白白要我地照左一次x光，最後只係開返普通科嘅一枝粉紅色收鼻水同啡色抗敏感藥，咁就完啦。叫佢比阿仔洗下鼻。因為佢好辛苦，佢話洗完佢啲鼻水又出返黎，無用架。叫佢開枝野比佢噴下鼻，又話咁細個唔好噴住（阿仔都兩歲幾，有個同齡fd去睇另一個醫生開完噴鼻好返晒），阿仔已經食晒佢啲藥，但仲係一啲都無改善，晚晚都仲係流鼻水、鼻塞訓唔到，訓著都咳醒返，大人細路都無得訓，藥就聽話食晒啦，但依然繼續唔舒服，如果無治療無啲專科藥物食，係唔需要比貴一半睇專科的！利申：我係用保險公司醫療卡，張醫療卡係用幾千蚊買，而且有墊底費，唔知醫生係咪見我地用醫療卡所以求其關藥hea我又叫我地去照x光啦，唉！

簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧